ALABARÉ yn cyhoeddi adroddiad a gomisiynwyd gan y Llywodraeth ar Sefyllfa Digartrefedd Cyn-filwyr yng Nghymru
Mae ALABARÉ yn galw am fwy o gydweithio a chasglu data gan sefydliadau sy'n mynd i'r afael â digartrefedd cyn-filwyr yng Nghymru, er mwyn sicrhau'r gefnogaeth a'r canlyniadau gorau posibl.
ALABARÉ yn galw am fwy o gydweithio a chasglu data gan sefydliadau sy’n mynd i’r afael â digartrefedd cyn-filwyr yng Nghymru, er mwyn sicrhau’r gefnogaeth a’r canlyniadau gorau posibl.
Mae’r elusen ddigartrefedd wedi cyhoeddi adroddiad, a gomisiynwyd ac a ariannwyd gan y Swyddfa Materion Cyn-filwyr yn y Weinyddiaeth Amddiffyn, i asesu’r sefyllfa bresennol a gwneud argymhellion ar gyfer gwasanaethau cymorth yn y dyfodol.
ALABARÉ yw’r darparwr mwyaf o lety dros dro penodol i gyn-filwyr yng Nghymru, gyda 39 o leoedd gwely ar draws naw eiddo Cartrefi i Gyn-filwyr yng Nghaerdydd, Abertawe, Pontypridd, a Chonwy.
Beth mae’r yn ei ddangos?
Nod yr adroddiad oedd asesu a gwerthuso’r ddarpariaeth gwasanaeth i gyn-filwyr digartref yng Nghymru, gan nodi rhaglenni sy’n bodoli ar hyn o bryd, enghreifftiau o arfer da a ble mae bylchau mewn cymorth digartrefedd.
I gasglu’r wybodaeth hon, cynhaliwyd cyfres o grwpiau ffocws gyda chydweithwyr ALABARÉ a chyn-filwyr ledled Cymru, yn ogystal ag ymweliadau a chyfarfodydd â darparwyr gwasanaethau, ac adolygiad llenyddiaeth o astudiaethau academaidd, cyhoeddiadau llywodraeth a fframweithiau deddfwriaethol presennol.
Gan weithio ochr yn ochr â phartneriaid, gan gynnwys VC Gallery, TGP Cymru and Arclet, i gael darlun llawn o’r darpariaethau yng Nghymru, nodwyd sawl canfyddiad allweddol:
- Mae lefel bresennol y llety penodol i gyn-filwyr yn gyfyngedig ac yn annigonol, gyda phrinder arbennig o opsiynau tai i bobl allu symud ymlaen yn annibynnol
- Mae diffyg cefnogaeth ar gyfer anghenion amrywiol, fel ar gyfer menywod a theuluoedd, pobl ag anableddau, a phryderon iechyd meddwl
- Mae ymwybyddiaeth o’r cymorth sydd ar gael i gyn-filwyr yn isel, gyda gwaith casglu a rhannu data gwael ar draws sefydliadau
- Mae natur wledig Cymru yn golygu y gall darparu cymorth fod yn anodd i sefydliadau ar y ddaear, tra hefyd yn cyfyngu ar fynediad i gyn-filwyr sydd mewn perygl o fod yn ddigartref.
Mae’r adroddiad wedi tynnu sylw at angen gwirioneddol am systemau gwell i gefnogi cyn-filwyr sydd mewn perygl o fod yn ddigartref, gan gydnabod nad yw’r mater yn gysylltiedig â thai yn unig, ond hefyd ag iechyd ac annibyniaeth.
Mae cenhadaeth ALABARÉ i dorri’r cylch digartrefedd yn cyd-fynd yn agos â’r canfyddiadau hynny, nid yn unig gan ddarparu cartrefi ond hefyd gan adfer calonnau a grymuso meddyliau i gefnogi cleientiaid tuag at ddyfodol boddhaus ac annibynnol.
Beth mae’r adroddiad yn ei argymell?
Mae’r asesiad cyffredinol o gyflwr digartrefedd cyn-filwyr yng Nghymru yn golygu bod ALABARÉ a’i bartneriaid wedi llunio cyfres o argymhellion i’w dilyn, megis:
- Gwella ymyrraeth gynnar a phroses atgyfeirio briodol i sicrhau nad oes unrhyw gyn-filwr yn cael ei adael ar ôl
- Ehangu allgymorth gwledig ac amrywioli llety dros dro i ddarparu ar gyfer yr holl anghenion
- Gwella’r gwaith o gasglu data a thracio canlyniadau sy’n cael eu rhannu ar draws sefydliadau i helpu gyda chynllunio, cyllido ac atebolrwydd
- Cryfhau gwaith partneriaeth ar draws sectorau
- Ymgorffori dulliau gweithredu cyfannol sy’n canolbwyntio ar yr unigolyn
- Atgynhyrchu modelau sy’n meithrin ymddiriedaeth ac ymgysylltiad
Mae’r adroddiad hefyd wedi canfod bod Cymru mewn sefyllfa dda i ddarparu cefnogaeth ystyrlon i gyn-filwyr digartref drwy adeiladu ar gryfderau presennol tra’n datblygu system fwy cynhwysol ac effeithiol sy’n ffynnu ar gydweithrediad a nodau cyffredin i gefnogi cyn-filwyr i bontio’n llwyddiannus i fywyd dinesig.
Dywedodd Simon Frith, Prif Arweinydd Partneriaethau yn ALABARÉ:
“Rydym wrth ein bodd ein bod wedi cael cais gan y Swyddfa Materion Cyn-filwyr i greu’r adroddiad hwn ac i helpu gwirioneddol i lunio’r gefnogaeth a gynigir yn y dyfodol i atal digartrefedd cyn-filwyr yng Nghymru.
“Mae’n faes o waith ALABARÉ yr wyf yn hynod angerddol amdano, fel cyn-filwr fy hun, ac rwy’n credu, gyda’r gefnogaeth gywir, gwaith cydweithredol, a chyfrifoldeb a rannir, fod gan sefydliadau ledled Cymru’r offer i helpu mwy o gyn-bersonél milwrol i gael dyfodol mwy disglair.
“Yr hyn yr hoffem ei weld nawr yw ymrwymiad gan elusennau a gwasanaethau cymorth Cymru, ochr yn ochr â’r Llywodraeth, i wella’r sefyllfa i gyn-filwyr sydd mewn perygl o fod yn ddigartref, ac i sicrhau bod y rhai sydd angen cymorth yn gwybod ble a sut i estyn allan am y cymorth y mae arnynt ei angen ac sy’n ei haeddu.”
Dywedodd James Phillips, Comisiynydd Cyn-filwyr y Llywodraeth dros Gymru:
“Rwy’n croesawu’r dadansoddiad manwl hwn o ddigartrefedd cyn-filwyr yng Nghymru. Rwyf wedi dadlau ers amser dros ‘gartrefi nid lloches’ i gyn-filwyr sy’n wynebu heriau unigryw drwy eu Gwasanaeth.
“Mae dull cyfannol ALABARÉ o fynd i’r afael ag anghenion yr unigolyn yn cael ei gydnabod fel arfer gorau, felly mae’r adroddiad hwn yn dod â lefel uchel o gredinedd. Mae ei arsylwadau, ei gasgliadau a’i feysydd trafod yn glir ac yn graff. Rwy’n argymell yr adroddiad i bawb sy’n ymwneud â gwasanaethau tai a chyn-filwyr yng Nghymru a thu hwnt.”
Cynhelir gweminar i edrych yn fanwl ar y canfyddiadu ddydd Iau, 30 Gorffennaf am 2.00pm, ac mae’n agored i’r cyhoedd ymuno. Cofrestrwch eich diddordeb yma.
Gallwch hefyd ddarllen yr adroddiad yn llawn drwy glicio ar y botwm isod.
Darllenwch Adroddiad ar Gyflwr Digartrefedd Cyn-filwyr yng Nghymru YMALATEST NEWS
Here, you can find all the latest news stories from across our homeless charity dedicated to the needs of homeless adults, young people, veterans and those with learning disabilities.
